A “Vôs a Est” il viaç intai Balcans di Angelo Floramo

Gnûf incuintri in program tal Teatri gnûf “Giovanni da Udine” par “Foyer di Autôr”, la rassegne di incuintris cun autoris e autôrs su temis leteraris, storics, teatrâi, musicâi e artistics. L’ospit di martars ai 4, aes 6 di dopomisdì, al è il scritôr e storic Angelo Floramo che, in dialic cun Martina Delpiccolo, al presentarà il so libri “Breve storia sentimentale dei Balcani” (Storie sentimentâl curte dai Balcans), jessût par Bottega Errante tal 2024. Premi Nonino tal 2024, Premi “Fiuggi Storia” tal 2021 e Premi “Palmastoria” 2020, Floramo si calcole un fi de frontiere, di une tiere plurâl che si disvilupe intes intersezions e duncje al conte la storie di une part di Europe complesse, stratificade, di stes al centri di dut. L’incuintri al è fat par “Vôs a Est”, un progjet di Bottega Errante cu la Fondazion dal Teatri gnûf “Giovanni da Udine”. (A.I.) – 03.03.2025