La decime seste edizion dal “Piccolo Opera Festival” si vierç miercus ai 21 aes 10 di matine al Cjistiel di Spesse cul “Concerto del risveglio: cappuccino e quartetto”, un moment di contemplazion intime par dâ principi ae gnove dì cul plasê de musiche e di une lungje gulizion. Protagoniscj dal conciert a son i arcs dal grup transfrontalîr GO! Borderless Orchestre che, in colaborazion cul Quartetto Nova, a dialoghin cul zovin sopran sloven Gaja Sorč, cetant innomenade tal so Paîs. Il conciert al sarà indalegrât di une biele gulizion che e rindarà il jevâ in Cjistiel une esperience di no dismenteâ. Il festival al continuarà vinars ai 23 a Brda, in Slovenie, e il dì dopo a Palaç Locatelli di Cormons, cun “L’ammalato immaginario”: une opare dal ‘700 ambientade intune television dai agns ‘50. (A.I.) – 20.06.2023
Al Cjistiel di Spesse, musiche a gulizion
116
