Al Cjistiel di Udin i cuadris dal Tiepolo intun zûc di spiei

In ocasion dal aniversari de nassite di Giambattista Tiepolo (1696-1770), domenie ai 5, intal Salon dal Parlament dal Cjistiel di Udin, e vignarà screade la gnove Sale X de Galarie di Art Antighe. Dentri a son lis oparis dal artist tignudis intai museus civics di Udin, presentadis intune maniere gnove e inovative. I cuadris a son presentâts traviers une vision contemporanie, trasformant la lôr fruizion intune esperience pal visitadôr, esaltant lis tonalitâts e mostrant i diviers aspiets cuntun zûc di spiei, lûs e volums. La scree e je la ponte dal progjet che la Aministrazion comunâl di Udin e à inviât intal 2020, a 250 agns de muart di Giambattista Tiepolo, pal patrimoni citadin dal grant pitôr venezian di origjins furlanis e dal fi Giandomenico.  (A.I.) – 03.03.2023