Al cricâ dal dì te centrâl di Malnîs

E tache domenie ai 4 aes 6 di buinore la seconde edizion dal progjet “Centrale Sonora”, un dai ingranaçs principâi dai contignidôrs culturâi finanziâts de Regjon te ex centrâl idroeletriche di Malnîs. La rassegne e sarà screade dal avigniment sugjestîf in program aes primis lûs de matine: “Alba in concerto – Incontro di stili”, dulà che sunôrs e colôrs de eletroniche moderne si fondin cu la tradizion plui culte. A dâ vite a chest confront tra diviersis entitâts strumentâls a son Erica Fassetta al violin, Elisa Fassetta al violoncel, Stefani Fassetta al piano, Gianni Fassetta ae armoniche, i sunôrs dai sintetizadôrs di Giuliano e Valter Poles e lis notis di Vanny Tonon ae ghitare e di Marco Buttignol ae batarie. (A.I.) – 03.08.2024