Tal ex Macel al torne a vierzi il Museu di Storie Naturâl: dome par un pôc

Il Museu Furlan di Storie Naturâl, fondât intal 1866 e inacessibil al public dal 1999, al torne a vierzi lis puartis ancje se dome par une mostre temporanie. In graciis dai Fonts POR dedicâts ai Museus e aes Bibliotechis Digjitâls, i spazis e lis tematichis dal museu a saran conetûts traviers un gnûf percors multimediâl. La mostre, dal titul “Dietro le Quinte. Verso il nuovo Museo di Storia Naturale”, e je a disposizion dal public par visitis vuidadis il martars, la joibe e la sabide. La gnove viertidure totâl e je previodude intai prossims agns, cu la restituzion dal edifici ae comunitât di Udin e al Friûl. Par cumò, la mostre intes salis de struture dal ex Macel, che al ospite il museu dal 2015, al è un piçul compendi de grande biodiversitât che e caraterize il nestri teritori. (A.I.) – 31.10.2023