Al PAFF! di Pordenon, fruts ae scuvierte des mostris

Lis fiestis di fin dal an al PAFF! – Palazzo Arti Fumetto Friuli di Pordenon a saran celebradis cuntun calendari siôr, come simpri. Lis mostris in pîts (“The Spirit of Will Eisner”, “Tony Wolf – Attenti al lupo”, “Nel segno di Tex” di Emanuele Barison e “Le incredibili avventure di Luca in Friuli Venezia Giulia”) si puedin visitâ ancje intes zornadis festivis, fale che il dì di Nadâl ai 31 di Dicembar. Lis ativitâts inmaneadis pe fiestis no si sierin achì. Par fâ passâ in maniere creative la polse scolastiche, il PAFF! al inmanee il “Christmas Camp” par fruts dai 6 ai 10 agns: un percors di ativitât che al stice la osservazion, la sperimentazion e la creazion. Dal 27 ai 30 di Dicembar e dal 2 ai 5 di Zenâr, a laran ae scuvierte des mostris di Will Eisner e Tony Wolf e des tecnichis dai artiscj. Iscrizions e coscj su: www.paff.it (A.I.) – 22.12.2022