Al PAFF! di Pordenon no dome art

Il PAFF! di Pordenon, che ancje in chescj dîs di fieste al garantìs viertiduris straordenariis a orari continuât, al vierç lis puartis ae musiche cun “PAFF! Sonic”, la rassegne dedicade aes gnovis sonoritâts che e esplore il leam jenfri musiche e arts visivis, puartant al public esperiencis unichis e apassionantis. Il prin apontament vinars ai 26 cui Matita, un conciert sul palc cun visuâls di Daniele Spanò, là che l’at dal dissegnâ si trasforme intun mot ritmic, visîf e sonôr, che al condûs e al da forme e struture ae musiche. Matita a son un coletîf artistic nassût di une idee di Fabio Bonelli e de sensibilitât musicâl di Antonello Raggi. (A.I.) – 25.04.2024