Al Teatri di Udin la storie de artiste Miela Reina

Dopo il sucès dal prin incuintri di “Foyer d’autore” pe presentazion in anteprime taliane dal gnûf romanç storic di Antonella Sbuelz, la rassegne dedicade ai incuintris cun autôrs e autoris su temis leteraris, teatrâi, musicâi e artistics e memoree intal secont apontament une figure ancjemò pôc cognossude: Miela Reina (1935-1972), artiste muarte prime dal timp a dome 37 agns. Martars ai 19, aes 5.30 dopomisdì li dal Teatri Gnûf “Giovanni da Udine”, Carlo de Incontrera al presentarà cheste straordenarie pitore, operadore culturâl e insegnante, nassude a Triest, traviers la sô monografie “Miela Reina. W l’Arte Viva”, cui intervents di Francesca Agostinelli e Vania Gransinigh. (A.I.) – 18.12.2023