Al “Teatron” une lezion di storie su Place S. Pieri

Al Teatri Gnûf “Giovanni da Udine” a van indevant lis apassionantis lezions cui miôr storics talians, bogns di presentâ sedi sot dal profîl sientific che sot chel de divulgazion, argoments di grant incjant e sugjestion. Il gnûf cicli di cunvignis, dedicât aes oparis dal om, al propon domenie ai 5, aes 11 di matine, la lezion dal professôr Costantino D’Orazio dedicade a Place S. Pieri a Rome. Cuant sucedial che chest lûc si trasforme intal progjet di un grant abraç a dute la umanitât? Cuâl segret isal daûr dal dissen che Bernini al fâs par Pape Alessandro Setim? D’Orazio al ripassarà lis vicendis di une des placis plui innomenadis dal mont, che e da acet ogni an a milions di viazadôrs. (A.I.) – 03.02.2023