Il Museu Cjargnel des arts popolârs “Michele Gortani” di Tumieç, che al conserve une des colezions etnografichis europeanis plui impuartantis e al manten la storie de Cjargne e des sôs ints, al torne a vierzi al public sabide ai 18 di Març dal 2023, dopo une polse curte par piçui lavôrs di manutenzion. Tantis lis novitâts pe gnove viertidure intun an pardabon speciâl pal museu: il sessantenâl de sô costituzion a Palaç Cjampeis.
Ae vilie de gnove viertidure, la Regjon e à volût sotlineâ la impuartance dal avigniment e di dut il program di manifestazions: une visite e je stade fate vuê dopomisdì dal assessôr regjonâl ae Culture Tiziana Gibelli.
“Cinc agns indaûr la situazion dal museu e jere di sigûr cetant divierse. Al è tant biel, vuê, viodi invezit che la istituzion – e à dit Gibelli – e je rinassude e ripartide pontant suntun program impuartant pes sôs prospetivis futuris. Un risultât che in graciis dal grant lavôr fat de Fondazion dal museu e dal so president”. (A.D.G.) – 17.03.2023
