16
Al torne a tacâ il cartelon 2025 dai “Apontaments cu la storie”, il program difondût sul teritori e articolât in lezions e aprofondiments, fats di sagjiscj e storics divulgadôrs dal nestri timp, promovût e curât de associazion Friuli Storia. Vinars ai 17 aes 6.30 sore sere a Spilimberc, tal Auditorium Contardo de Cjase dal student, al sarà protagonist Andrea Zannini. Il professôr di Storie de Europe te Universitât dal Friûl al contarà la storie de nassite dal alpinisim in maniere gnove, ispirât de resinte “Cuintristorie dal alpinisim” scrite pal editôr Laterza. Il teme de serade al è: ‘Sienziâts o int di mont: cui isal l’inventôr dal alpinisim’. (A.I.) – 16.01.2025
