“Altrememorie”: la gnove narazion dal teritori si siere in ‘Cjase’

Mostris, residencis artistichis e incuintris fra Triest, Lignan, Cjampfuarmit, Romans dal Lusinç e Ravasclêt. “Altrememorie – Une gnove narazion dal teritori” – progjet de associazion omonime – si prepare aes batudis finâls cun doi apontaments in program in Avrîl. Il percors, che intai prins mês dal 2023 al à viodût lis residencis di tancj artiscj, ospits de regjon, si siere martars ai 4 aes 10.30 di matine, al Centri culturâl di Cjase Candussi Pasiani di Romans dal Lusinç, dulà che e sarà screade la mostre “Incontro” di Francesca Mione, e dai 12 ai 16 di Avrîl a Zuviel di Ravasclêt, dulà che Simone Carraro al puartarà la sô ricercje artistiche in ocasion de seconde edizion di “Cjase”. (A.I.) – 03.04.2023