Ancje il campion di “L’eredità” a “Geografie”

Cuntun grant sucès di public, Monfalcone Geografie Festival al va indevant cuntun calendari penç di incuintris. Vinars ai 24 si tache aes 9.30 di matine, cun plui di 12 oris di avigniments e croseris apassionantis di “gjeografiis” pal public di ogni etât. Tra i ospits, simpri la matine al Teatri Comunâl, il scritôr Antonio Feraras, Premi Andersen, che al presente “Viaggio nelle parole. Un libro ti cambia”; tal dopomisdì, Alessandra Beltrame e presente “Il viaggio delle donne: piccolo manifesto al femminile sul cammino della vita” e aes 6, in piazza della Repubblica, Tommaso Cerno, diretôr dal cuotidian L’identità, al fevelarà di “Ce che al reste dal fassisim inte epoche dai tweet”. A sierâ la tierce zornade dal festival, Massimo Cannoletta, l’innomenât super-campion celebri dal program “L’eredità” su Rai1. (A.I.) – 23.03.2023