Ancje la France e scuvierç il Pasolini zuiadôr di balon

Al passe i confins nazionâi e al rive fin al Institut Lumière di Lion “La solitudine dell’ala destra. Pier Paolo Pasolini e il calcio”, la esposizion par cure di Piero Colussi cun 124 tra fotografiis, filmâts, scrits e ogjets dai archivis di Cinemazero. Presentade l’an passât in Friûl, pe prime volte e ricostruìs pal public francês lis tapis principâls de passion sportive di Pasolini, che e je lade indevant par dute la sô vite. La mostre, vierte fin ai 16 di Avrîl, e compagnarà la lungje retrospetive che l’Institut Lumière al è daûr a dedicâ a Pasolini intal stes periodi, in graciis dal invît e la adesion convinte al progjet di Thierry Frémaux, diretôr dal Istitût e ancje dal Festival di Cannes. (A.I.) – 15.02.2023