Ancjemò doi mês pai pipins dal cine al PAFF!

E je stade sprolungjade fin ai 15 di Otubar la mostre “Shaun the Sheep & Friends – The Art of Aardman Exhibition,” la esposizion inmaneade al PAFF! – International Museum of Comic Art di Pordenon, che e à puartât pe prime volte in Italie i personaçs iconics nassûts tai studis di animazion di Bristol, vincidôrs di cuatri Premis Oscar. I visitadôrs a àn la pussibilitât di scuvierzi il “daûr des cuintis” di cines e personaçs cetant amâts di ducj – veris oparis mestris di modelazion in plastiline – traviers trente set cinematografics origjinâi, gjavâts fûr da lis produzions plui impuartantis e premiadis dai studis Aardman. (A.I.) – 24.08.2023