Ancjemò pôcs dîs pes incisions di Leonardis

Al è ancjemò timp fint ai 10 di Novembar par visitâ la mostre dedicade a Giacomo Leonardis, vierte te Polvariere Garzoni a Palme de joibe e fint ae domenie. La esposizion e met adun une cuarantine di oparis incidudis, otignudis vie pai agns traviers donazions e acuiscj, che a fasin part dal patrimoni artistic dal museu civic storic de citât fuartece. Giacomo Leonardis al è calcolât un dai incisôrs plui innomenâts de nestre regjon. Al à lavorât pal plui in Venit e in Friûl e la sô art e spazie de riproposizion di cuadris di autôr a chê di oparis mestris de leterature taliane. Tra lis sôs rivisitazions plui innomenadis a son “La Divina Commedia”, lis alegoriis dal Tiepolo e cualchi tele di Jacopo Tintoretto. (A.I.) – 30.10.2024