Ancjemò trê mês pe mostre de Saf

La esposizion “La conoscenza dei nostri monti. 150 anni della Società Alpina Friulana” (La cognossince des nestris monts. 150 agns de Societât Alpine Furlane), che e veve di sierâ la fin de setemane passade, e je stade sprolungjade fint ai 27 di Avrîl dal 2025. La esposizion, screade ai 24 di Otubar e curade de SAF intune cu la Universitât dal Friûl e altris istituzions prestigjosis, e restarà si che duncje vierte par altris cuatri mês, di martars fint a domenie, des 10 di matine aes 6 dopomisdì. Intai doi plans dai museus civics di Udin, a son cinc salis tematichis che a spaziin de gjeografie ae gjeologjie, dal alpinisim ae speleologjie, de storie ae etnografie. Intes salis espositivis dal Museu de Fotografie si cjate la part storiche, cuntune colezion di cimelis e materiâi di archivi inedits, plui di 150 fotografiis origjinâls e l’omaç ai prins fotografs che a àn documentât lis monts furlanis tacant de seconde metât dal Votcent. (A.I.) – 13.01.2025