Anteprime a Praghe par ‘pordenonelegge’

E scomence dal cûr de Europe la aventure de 23e edizion di pordenonelegge, la fieste dal libri cui autôrs, che dai 14 ai 18 di Setembar e presente nuie di mancul che 596 protagoniscj, in 41 puescj a Pordenon e tal rest de regjon, par passe 300 events e cun plui di 50 anteprimis editoriâls. Il festival si vierzarà però a Praghe, joibe ai 8 aes 6.30 dopomisdì intal Istitût talian di culture, cuntune anteprime in streaming, “Sull’uscio della storia” (su la puarte de storie), che si podarà viodi in direte a Pordenon intal ex Convent di San Francesco. Dopo l’event, presentât ancje dal diretôr artistic di pordenonelegge Gian Mario Villalta, miercus ai 14 e sarâ la zornade di scree, cun sîs grandis vôs dal nestri timp, in concomitance di Pordenon, Triest e Lignan. (A.I.) – 07.09.2022