Anteprime di “Geografie” cun Capuozzo a Gurize

Nol è un câs che e sedi Gurize, la Capitâl Europeane de Culture 2025, a ospitâ l’incuintri che al siere il cicli “Aspettando Monfalcone Geografie”, un apontament che al anticipe la setime edizion dal festival su lis gjeografiis. L’avigniment si tignarà martars ai 25 aes 5.30 di dopomisdì in sale “Dora Bassi”. La serade e sarà dedicade aes riflessions dal gjornalist e scritôr Toni Capuozzo, autôr dal saç “Cos’è la guerra? I conflitti spiegati ai ragazzi” (Ce ise la vuere? I conflits sclarîts ai fantats). Intal volum, Capuozzo al delinee une mape concetuâl rigorose che e spazie des vueris dal passât ai conflits di cumò in Medi Orient, Russie e Ucraine, e al esamine ancje l’impat des tecnologjiis belichis modernis. La opare, orientade in maniere specifiche aes gnovis gjenerazions, e je inricjide dal contribût des riflessions dal gjenerâl Francesco Ippoliti e e je valorizade des ilustrazions dal artist Armando Miron Polacco. (A.I.) – 24.02.2025