Sabide ai 23 e domenie ai 24 Aquilee e sarà ancjemò al centri des “Zornadis europeanis” dal patrimoni, cun dôs zornadis viertis ai cantîrs di sgjâf, visitis straordenariis e vuidadis, archeologjie ‘sperimentâl’ e tante musiche. Inmaneadis cu la colaborazion tra Fondazione Aquileia, Comun, Sorintendence, Museu e tancj altris ents, lis ‘zornadis’ a varan une anteprime vinars ai 22, cu la visite ae Idrovare Ca’ Viola – esempli di archeologjie industriâl dal secul passât -, ma ancje al cantîr di Palaç Brunner. Sabide, cjaminadis ‘teatralizadis’ par fruts inte aree archeologjiche dal Forum roman, visitis cul archeolic ai cantîrs, chês li de Domus di Tito Macro – une des più grandis cjasis di epoche romane in Nord Italie -, e la visite ai mosaics de Basiliche ai prins rais di soreli dal ecuinozi, tor 6 di matine. (A.I.) – 22.09.2023
Foto di N.Oleotto
