Art e inovazion tecnologjiche in mostre a Triest

Al Magazzino 26 e al Museu Revoltella al è partît il festival di art e tecnologjie inmaneât dal Gruppo78, che chest an al esplore lis conessions tra nature e robotiche traviers dôs mostris e un progjet di ricercje artistiche. La cubie di nature e gnovis tecnologjiis, esplorade di chê dissipline che e va sot dal non di biorobotiche, e je il teme al centri de cuarte edizion di “Robotics”, che fint ai 24 di Setembar e esplore lis conessions jenfri inovazion tecnologjiche e art intune grande mostre coletive, “Natura Bio-robotica”, cun cualchidun dai plui inovatîfs artiscj dal panorame nazionâl e internazionâl. E ancje une mostre personâl di Quayola, artist talian di esperience, a dilunc a Londre, che al trasforme la piture in composizions digjitâls complessis. (A.I.) – 28.08.2023