“Art e nature” al è il binomi de edizion 2024 dal “Blanc European Festival”: dai 20 di Lui ai 20 di Otubar, spetacui e art ancje in lûcs no convenzionâi, cun artiscj di innomine nazionâl e internazionâl che si svicinin cun sensibilitât al teme dal creât, al rapuart dal om cu la nature. Traviers une misture origjinâl di lengaçs e formis espressivis, a solecitin la riscuvierte di cualchi tesaur storic e naturalistic dal teritori, lant daûr dal colôr “blanc”. Il diretôr artistic Riccardo Pes al à sielt pal avigniment di scree sabide ai 20, inte Sale polifunzionâl di Tramonç disore, un viaç inedit cun Giuseppe Lo Pilato e Tiziana Sandrinelli inte “ Kolymbethra”, un tesaur archeologjic e agricul inte Val dai Templis di Agrigento. Vinars ai 26 a Cjastelgnûf, i FLK a tornin a proponi dal vîf il lôr prin album “Colôrs”: po dopo a rivaran ducj chei altris apontaments. (A.I.) – 19.07.2024
Art e spetacui cul festival “in blanc”
48