Art internazionâl a Udin in dôs mostris

Cinc “visions” ator di un denominadôr comun, chel de gjestualitât, che al rive di ancjetantis instalazions visivis di cinc artiscj internazionâi, invidâts a Udin pe setime edizion di “Mind The Gap”. Il progjet dedicât aes arts visivis, inviât di Altreforme intal 2017 e promovût in colaborazion cun diviersis realtâts culturâls e istituzionâls de regjon, al vierç sabide ai 28 di Otubar aes 6 dopomisdì li dal Spazio35 (vie Percoto) e aes 7.30 sot sere tal Visionario (vie Asquini). La mostre, curade di Giada Centazzo e Lorenzo Lazzari par Etrarte, e puarte a Udin lis oparis di cinc artiscj che a vegnin di ogni bande dal mont, za ospitâts des istituzions principâls de art contemporanie internazionâl. (A.I.) – 27.10.2023