Artiscj dal cine di animazion in mostre a Gardiscje

Dedicade a siet artiscj contemporanis, autôrs talians di cine di animazion, ospitade dai 31 di Avost al prin di Otubar li de Galarie ‘Spazzapan’ di Gardiscje, “Arte Cinema Animazione” – inmaneade dal Erpac e di Viva Comix e curade di Paola Bristot – e je une sorte di prosecuzion de rassegne cinematografiche cul stes non, in cors propit a Gardiscje. La mostre e ufrìs la proiezion continue des videoanimazions e e je inricjide di ogjets di sene doprâts dilunc des ripresis e di materiâl documentatîf sui autôrs, ducj presints ae inaugurazion de mostre, tant cognossûts intal panorame nazionâl de animazion: Michele Bernardi, Marco Capellacci, Magda Guidi, Igor Imhoff, Virginia Mori, Beatrice Pucci e Davide Toffolo. (A.I.) – 29.08.2023