A saran Colombre e Maria Antonietta a screâ ai 29 di Març li dal “SOS music” di Soclêf la gnove edizion di “Casamia”, un progjet di residencis che al puarte in Cjargne artiscj de Italie e dal forest. Fint a Dicembar, vot piçulis comunitâts a ospitaran ancjetancj artiscj e grups che, par une setemane, si imerzaran ad implen inte lôr musiche, lassantsi contaminâ des comunitâts che ju ospitin e dai teritoris, cu la lôr storie e lis lôr particolaritâts. Ogni sabide, ognidun al sarà protagonist di un conciert, a jentrade gratuite, destinât in mût particolâr a cui che ju à ospitâts, ma no dome. “Casamia 2025” al è un progjet ideât di Puntozero e Zeroidee, fat cu la poie de Fondazion Friuli, in colaborazion cun cetancj sogjets publics e privâts. (A.I.) – 28.03.2025
Foto di L. Galletta
