Artiscj pal ‘sociâl’ al pas di confin

Si vierç vinars ai 17, al confin tra Nova Gorica e Gurize, il cjapitul conclusîf de cuarte edizion di “Co.So! Artisti per il sociale”, progjet artistic par cure di Elena Tammaro e Rachele D’Osualdo de associazion culturâl udinese Etrarte par sensibilizâ lis comunitâts de regjon e de aree transfrontaliere sui temis de salût mentâl, de inclusivitât e dal benstâ sociâl. La mostre finâl, che e sarà vierte vinars aes 6 dal dopomisdì intal spazi di Carinarnica al pas di S. Gabriel, e presentarà lis cocreazions risultât dai laboratoris realizâts di trê artiscj dilunc des residencis intes comunitâts che a ospitin cheste edizion. Il teme indagât chest an al è stât chel de “margjinalitât”. (A.I.) – 16.03.2023