Associazion “Mitteleuropa”: di 50 agns di là dai confins

La associazion Mitteleuropa e fâs 50 agns e e tache lis celebrazions cuntune mostre inmaneade dentri de Biblioteche statâl dal Lusinç di Gurize, che e ripasse i moments plui impuartants de sô ativitât sul teritori regjonâl, talian e di là dal confin. Ai 26 di Otubar dal 1974, un grup di amîs unîts de stesse vision pal avignî a decidevin di creâ la Associazion – al conte il president e cofondadôr Paolo Petiziol -, intune Europe ancjemò dividude in doi di un confin che no si podeve passâ, cul fin di promovi il dialic culturâl, economic e sociâl tra i Paîs dal centri de Europe”. Vie pai agns, la associazion Mitteleuropa e je deventade ancje une vere agjenzie diplomatiche privade, un dai organisims culturâi di rilevance regjonâl. La mostre, vierte dai 4 di Otubar fint ai 4 di Novembar, e je la ocasion par ripassâ la storie de associazion e, tal stes timp, chê de regjon e de Europe: si puedin viodi il telegram scrit par furlan in ocasion de elezion di Pape Zuan Pauli II, la foto dal president Scalfaro cul Vin de Pâs a Gurize intal 1995, e tantis altris. (A.I.) – 02.10.2024