Basrilêfs assîrs te Universitât dal Friûl

La copie in scjale naturâl di un dai basrilêfs assîrs scuvierts dai archeolics de Universitât dal Friûl intal Kurdistan irakian e sarà esponude al public intal atri di Palaç Antonini, une des sedis dal Ateneu inte capitâl furlane, in vie Petracco 8. La repliche e riprodûs un dai tredis esemplârs di art rupestre sculpîts inte piere dal canâl di irigazion dal setim secul p.d.C., che al servive la campagne ator de antighe citât di Ninive, capitâl dal Imperi assîr. La opare e sarà screade miercus ai 26 aes 10 di buinore intal secont atri di Palaç Antonini. A saran presints il retôr, Roberto Pinton; l’assessôr ae Culture dal Comun di Udin, Federico Pirone; la diretore dal Museu archeologjic di Udin, Paola Visentini, e cetancj altris. (A.I.) – 24.03.2025