Çarvignan, la capitâl di cui che “al olse”

I temis che o sintìn pe television e che o leìn sui gjornâi e in rêt ogni dì a son al centri de setime edizion dal “Festival del coraggio”, che si fasarà ancjemò une volte a Çarvignan dai 16 ai 20 di Otubar, ma cuntune schirie di anteprimis a Pordenon, Udin, Aquilee e Strassolt. Il prin apontament cun cui che “al olse” al è in program tal teatri “Pasolini” di Çarvignan joibe ai 25, aes 6 dopomisdì, cuant che al larà in sene “Era bello il silenzio” (Al jere biel il cidinôr), un spetacul teatrâl ispirât in libertât dal romanç “I ragazzi della via Pascoli” di Pino Roveredo. (A.I.) – 25.09.2024