Cinemazero a Turin par une mostre su Tina Modotti

E je stade screade inte sede prestigjose di Camera – Centri Talian pe Fotografie di Turin “Tina Modotti. L’opera”, vierte fint ai 2 di Fevrâr dal 2025. La grande mostre su la fotografe nassude a Udin, une artiste libare e indipendente, che e à savût simpri restâ fedêl a se stesse, al è par cure di Riccardo Costantini, cu la colaborazion di Gianni Pignat e Piero Colussi, e e je stade fate cul jutori di Cinemazero. Lis passe 300 oparis che si puedin viodi a Turin, che a vegnin di passe 30 archivis di dut il mont e cun cetancj materiâi inedits, a contin la poliedricitât, lis particolaritâts artistichis, il talent multiformi de Modotti, che dilunc de sô curte ma penze cariere e je rivade a cjapâ la intensitât e i contrascj dai monts che e à passât, contant ancje e soredut la injustizie, il lavôr, l’ativisim politic, la puaretât, lis contradizions dal progrès e dal passaç ae modernitât. (A.I.) – 22.10.2024