Cividât tra lis citâts europeanis cun la ‘culture’ dai festivai

In graciis dal supuart e al lavôr in prime linie di Mittelfest, Cividât e je la prime citât taliane a jentrâ intal progjet Efe Seals di Efa (European Festivals Association), il “sigjîl” des siet localitâts europeanis che a integrin a strent il propri disvilup e la proprie imagjin ae culture dai festivai. Belgrât (Serbie), Bergen (Norvegje), Edimburc (Scozie), Gand (Belgjiche), Cracovie (Polonie), Leeuwarden (Paîs Bas) e Lubiane (Slovenie) a àn firmât il document che al à fondât Efe Seals a Yerevan, in Armenie, in ocasion dal Arts Festivals Summit. Il non di Efe Seals al celebre i risultâts di ogni citât viers de proprie comunitât e al puarte ae creazion di une comunitât di lûcs e dal lôr festival, che a condividin ambizions e a stimolin altris a partecipâ, disvilupant un program culturâl di azion coletive. (A.I.) – 14.09.2022