Une Scuele di formazion par impegnâsi tal public, par cui che al aministre o al lavore pe coletivitât, ma ancje par cui che al à voie di metisi sot cu la politiche e la aministrazion publiche, o par cui che al opere intes associazions e intal privât. In struc, par cui che al à voie di lâ insot des gnovis sfidis des comunitâts, intun mont là che “complessitât” e je peraule di ordin. Civitas Scuola, une Academie de “res publica” ideade par furnî i struments bogns par disvilupâ e sfrancjâ lis competencis destinadis al impegn public. Fondade de associazion Civitas vuidade di Sergio Bolzonello, e varà sede tai spazis de cjase dal student “Antonio Zanussi” di Pordenon e e dedicarà il so prin an di ativitât al progjet di formazion “Costruire Comunità nella transizione” (Tirâ sù comunitâts vie pe transizion), tacant di joibe ai 15. (A.I.) – 14.02.2024
Civitas: e tache la scuele di formazion par impegnâsi tal public
70