Claut, un borc a misure di famee

Ancje se il so non al derive dal latin “clauditu”, che al significhe “lûc sierât e protet”, intai ultins agns il paîs di Claut tal cjanâl de Ciline al è deventât une mete turistiche par cetancj visitadôrs. In graciis di iniziativis tant che il progjet trienâl “Rio Bo. Spazi e tempi a misura di famiglia”, selezionât de imprese sociâl ‘Con i Bambini’ e vuidât de cooperative sociâl Itaca, a Claut intai dîs che a vegnin si vierzaran lis puartis de Sale congrès par ospitâ lis ativitâts che il Molino Rosenkranz al proponarà ai fruts e aes fameis dal teritori. Dôs lis datis: joibe ai 26 di Otubar e lunis ai 30, par doi apontaments gratuits cun contis cumbinadis a laboratoris creatîfs. (A.I.) – 24.10.2023