Colezion di Palaç de Nordis: une vuide par ducj

La Fondazion Progettoautismo FVG, in colaborazion cul Comun di Cividât, e à fat un altri pas impuartant viers la inclusion e la acessibilitât culturâl: la realizazion di une vuide in lengaç sempliç dedicade ae prestigjose colezion de Martiis, ospitade propit li dal Palaç de Nordis. Cheste iniziative e rapresente un obietîf impuartant intal cjamp de acessibilitât e de inclusion culturâl, e e je il risultât di un progjet durât cuasi sîs mês, che al à viodût la partecipazion di diviers professioniscj, coordenâts di Elena Bulfone. Doprâ il lengaç sempliç in cheste vuide al è un esempli clâr di cemût che lis barieris comunicativis a puedin jessi butadis jù, permetint a une grande varietât di public di gjoldi des ricjecis de art ufiertis de colezion de Martiis.  La presentazion uficiâl de vuide “La collezione de Martiis per tutti | for all” e sarà vinars ai 17 aes 11 li di Palaç deNordis. (A.I.) – 16.11.2023