Cuatri cjasis furlanis storichis a vierzin i archivis

Seconde edizion pal apontament cu la culture promovût de Adsi, la Associazion nazionâl cjasis storichis: “Carte in dimora. Archivi e Biblioteche: storie tra passato e futuro”. Sabide ai 7, passe 90 archivis storics e bibliotechis privadis in cjistiei e vilis si podaran visitâ in dute Italie, permetint cussì un viaç inte storie dal nestri Paîs traviers lûcs plens di segns preziôs dal passât. In Friûl-Vignesie Julie a son cuatri lis cjasis che a metin a disposizion i patrimonis intes scansiis: Cjase Asquini a Feagne, La Brunelde – Casaforte di Arcano, simpri a Feagne, Vile Deciani a Martignà e Vile de Claricini Dornpacher a Butinins di Muimans, che e sarà vierte domenie ai 8. (A.I.) – 06.10.2023