Cuatri dîs par contâ il teritori

Un contignidôr itinerant di emozions, lûcs e imagjins, che al fevele dai piçui lûcs dal Friûl, cualchi volte ancje cetant piçui, par contâ il teritori traviers i lengaçs de art, de storie, de leterature, de fotografie e de musiche. Organizade ogni an di une divierse realtât associative dal teritori, chest an la associazion Valentino Ostermann di Glemone, “Incontri a Nordest” si fâs di joibe ai 12 fint a domenie ai 15, ancje a Osôf e a Vençon. In program a son conferencis, presentazions di libris, visitis vuidadis, une mostre di fotografiis di Ulderica Da Pozzo, concierts (Yerba Buena Trie, Nicole Coceancig), la proiezion di un cine par cure di Ivo Pecile e Marco Virgilio dedicât aes “Striis di Andreis”, cun lezion finâl sul poete Federico Tavan. (A.I.) – 11.09.2024