Dai timps di Hitler e Stalin une riflession su la Europe di vuê

Inte Sale dal Consei di S. Pieri dai Sclavons, pal cartelon dai “Apontaments cu la storie” promovût de associazion Friuli Storia, vinars ai 23 e rive Antonella Salomoni, professore di Storie contemporanie te Universitât di Bologne, par une lezion su “La Europe jenfri Stalin e Hitler, 1939-1941”. Finaliste dal premi “Friuli Storia” tal 2020 cun “Le ceneri di Babij Jar. L’eccidio degli ebrei di Kiev”, in chest gnûf libri la storiche e à studiât il teme dai rapuarts jenfri la Russie staliniste e la Gjermanie naziste, soredut l’innomenât pat “Molotov-Ribbentrop”. Une riflession che e fâs clâr ancje ce che al sucêt al dì di vuê in Europe. (A.I.) – 22.02.2024