Dal restaur di une sculture, alc di gnûf sul passât

Inte suaze de iniziative “Cjatìnsi in Sorintendence”, joibe ai 20 aes 4.30 dal dopomisdì la Sorintendence di archeologjie, bielis arts e paisaç dal Friûl-Vignesie Julie e inmanee une cunvigne inte sede di Udin, in vie Zanon. L’incuintri al è dedicât al restaur de sculture di len de “Madonna in trono con il Bambino” de Parochie di Santa Maria Assunta di Martignà, di resint tornade ae comunitât dai fedêi. L’intervent al à permetût gnovis ricercjis in ambit storic e artistic, massime rivuart il periodi tra Gotic e Rinassiment. (A.I.) – 19.04.2023