“Dedica”: dopo il sucès a tornin i vecjos ospits

Si è sierade cuntun sucès che al conferme il lustri e l’impat sul public e sul teritori la trentesime prime edizion dal festival “Dedica”, un pont di riferiment intal panorame culturâl talian e internazionâl. Ducj i avigniments a son stâts plens, cun passe 7 mil presincis e une grande visibilitât su la rêt (plui di 800 mil visualizazions sui canâi “social” dal festival). A sipari a pene che tirât jù – cul conciert intal teatri “Verdi” dal pianist iranian Ramin Bahrami – “Dedica” e à za pronte une sorprese che e testemonee il leam fra i autôrs, il festival e la citât di Pordenon: Maylis de Kerangal, la scritore francese protagoniste tal 2023 a “Dedica”, e tornarà in citât martars ai 25 li dal Capitol par presentâ il so gnûf romanç “Giorno di risacca”, intant che il scritôr francês alzerin Yasmina Khadra, ospit dal festival intal 2016, al rivarà ai 2 di Avrîl. (A.I.) – 24.03.2025