“Dedica”: une setemane jenfri esili, memorie e identitât

Esili, memorie, identitât: a son i temis al centri dal festival “Dedica” di Pordenon, in program dai 15 ai 22 di Març, organizât de associazion culturâl Thesis. Rivât ae trentesime prime edizion, une propueste uniche intal panorame dai avigniments leteraris nazionâi – al è l’aprofondiment a 360 grâts di un sôl autôr – chest an il scritôr Kader Abdolah, iranian di nassite e olandês di adozion, une des vôs plui autorevulis de leterature internazionâl, simbul di libertât di espression e dialic tra culturis. Undis i apontaments di incuintris, spetacui teatrâi, cines e mostris e fra i ospits l’innomenât pianist Ramin Bahrami, che al sierarà il festival sabide ai 22 e il premiât fotoreporter Manoocher Deghati, cu la mostre “Eyewitness: Iran”. La scree e sarà aes 4.30 dopomisdì intal Teatri “Verdi”, cul critic Alessandro Zaccuri in dialic cun Kader Abdolah e, come simpri, e je previodude la consegne al autôr dal Sigjîl de citât. (A.I.) – 14.03.2025