“Dediche”: ancjemò in zîr pal Friûl cu lis anteprimis

Al va indevant il zîr des anteprimis di “Dediche”, un program di 11 avigniments in ancjetancj Comuns dal Friûl-Vignesie Julie prime dal festival, programât a Pordenon dai 18 ai 25 di Març, par introdusi ae opare e al mont de protagoniste dal festival, la scritore francese Maylis de Kerangal. E torne la leture cun musiche “Il pranzo della domenica. Voci dalla cucina in un giorno di festa”, che e fâs tape miercus al 1n di Març, intal auditorium di Çopule, cun Angelo Floramo e Gianni Fassetta ae armoniche. Joibe ai 2 al sarà invezit il centri culturâl Aldo Moro di Cordenons a ospitâ “Canoe”, une leture seniche dal libri di contis cul stes titul, cun Nicoletta Oscuro e Matteo Sgobino. (A.I.) – 28.02.2023