“Dediche”: si fevele di confins spietant il festival

A Pordenon a tornin a tacâ lis iniziativis di “Dedica incontra”, apontaments de associazion culturâl Thesis, che r organize il festival “Dedica” dai 18 di Març, cun protagoniste la autore francese Maylis de Kerangal. A screâ il program, miercus ai 25 aes 6 dopomisdì inte sale Degan de Biblioteche di Pordenon, l’incuintri cul scritôr e storic Egidio Ivetic. Il titul dal dialic cun Cristiano Riva, espert di gjeopolitiche, al è compagn di chel dal so libri plui resint “Est/Ovest. Il confine dentro l’Europa”. Une ocasion par rifleti sul fat che chest confin al passe e al condizione la nestre storie, ma al cambie simpri, ancje se o si inacuarzìn dome intai moments di crisi. (A.I.) – 24.01.2023