Deventâ vecjos al pues jessi ancje une poesie

Joibe ai 26 di Zenâr, aes 6 dopomisdì ae librarie Friuli di Udin, e je inmaneade la presentazion dal libri “Distopica”, publicât di Samuele Editore, il gnûf volum iluminant e duliôs de poetesse udinese Marina Giovannelli. Francesco Tomada al dialogarà cu la autore sui viers dulà che “e ven fûr la figure di une femine no apaiade, ancje se tocjade dal dolôr, ma in cualchi mût serene; une femine che e dîs chel che no si olse”. Al è un libri su la vecjaie e sui sintiments che a acompagnin la pierdite, la distance des personis prime presints, il vivi di bessôi inte solitudin che si rinove. (A.I.) – 25.01.2023