Di ‘muse’ a fotoreporter di vuere

Il Fotoclub Skupina75 al invide miercus ai 18 aes 8 di sere inte Galerija75 a Sant Florean, frazion di Bucuie, dulà che si tignarà la serade dal titul “Elizabeth “Lee” Miller – da musa a fotoreporter di guerra”, par cure dal docent di fotografie Giancarlo Torresani.  Cul jutori de videoproiezion,il relatôr al presentarà la storie aventurose de artiste americane Lee Miller, in principi muse di Man Ray e modele, po dopo fotografe artistiche e tal ultin fotoreporter di vuere. La serade e je a jentrade libare e vierte a ducj. (A.I.) – 17.01.2023