Al rive in prime regjonâl vinars ai 31 tal Teatri “Verdi” di Pordenon – e al è za un event – un protagonist innomenât de rêt: Edoardo Prati, cognossût “influencer” umanist. “Cantami d’amore” (Cjantimi di amôr), scrit dal stes Prati, al è il prin spetacul dal student di Rimini, che si disnode intun viaç inte leterature e inte musiche, vuidât di poetis che a àn savût celebrâ l’amôr in dutis lis sfumaduris, dai timps de Grecie antighe fint ai autôrs modernis. Nassût tal 2004, Edoardo Prati al tradûs la vite traviers la sô passion: i grancj classics de leterature. E daspò di vê concuistât dutis lis gjenerazions sul social e di jessi deventât in pôc timp un protagonist tant cirût dal mont culturâl, cumò al puarte sul palc la sô conte e al tache un viaç intal timp par “cjantâ di amôr”. (A.I.) – 30.01.2025
Di stele de rêt a protagonist de culture
57