Dialics e incuintris intai borcs di Udin

“Connessioni 2024”, la rassegne di dialics e incuintris che la associazion culturâl Bottega Errante e propon intal Istât udinês, in graciis dal contribût dal Comun e la poie de Biblioteche Joppi, e ufrìs storiis e libris intai cuartîrs de citât, di Baldassarie ai Riçs, passant pal centri, cun undis apontaments di Jugn a Setembar. I prins doi apontaments a saran propit in Baldassarie, dentri dal progjet “Storie in città” (Storiis in citât), za atîf intal cuartîr. Vinars ai 21 tal parc Peter Pan, presentazion dal romanç “Il predatore” di Marco Niro. Ai 4 di Lui si larà indevant cun “Balkan Football Club” di Gianni Galleri e po dopo la rassegne e larà indevant in Lui e in Avost tai zardins “del Torso”. (A.I.) – 19.06.2024