“Dialoghi” al siere cuntune ospite dal Iran

Si siere vinars ai 27, cul sessantesim avigniment itinerant dai 27 di Mai, la edizion 2023 di “Dialoghi”, il festival internazionâl e itinerant de cognossince inmaneât de associazion Culturaglobale. Aes 4 dopomisdì inte Sale Consiliâr dal Comun di Turiac e vignarà ospitade la gjornaliste e ricercjadore universitarie iraniane Farian Sabahi, che e sarà intervistade di Gabriele, Lorenzo, Annarella, Sara e Vittoria – students dal Pôl Liceâl di Gurize – sul libri “Noi donne di Teheran“. L’avigniment al jentre intal program par cure de Aministrazion comunâl di Turiac pe Zornade cuintri la violence su lis feminis e al fâs part dal progjet “Dialoghi a scuola”. (A.I.) – 26.10.2023