Doi citâts e doi Monts, forsit no masse lontans

Si siere cuntune lezion dedicade ae Grecie antighe la tierce edizion dal cicli di incuintris “Apontaments cu la storie”, ideât e curât de associazion “Friuli Storia” in sinergjie cu lis Aministrazions comunâls che a àn ospitât i apontaments: un program difondût sul teritori di lezions e aprofondiments dedicâts ae storie e ai siei temis puartants. Vinars ai 14, aes 6.30 di dopomisdì intal Auditorium di  Paulêt, e rive la storiche e autore di saçs Laura Pepe sul teme “Atene e Sparte. Doi citâts e doi monts inte Grecie antighe”. La lezion e je ispirade de sô publicazion resinte “Sparta”, che e dimostre cemût che i ponts di contat cu la storiche rivâl a sedin stâts in realtât plui di cetant che la storie nus vedi dit e passât.  (A.I.) – 13.03.2025