Doi dîs di cunvigne su Leicht, grant studiôs dal Friûl

La nonantesime setime cunvigne anuâl de Deputazion de storie patrie pal Friûl, ai 24 e ai 25 di Otubar li dal palaç Mantica a Udin, e je dedicade ai 150 agns de nassite dal storic, jurist e bibliotecari Pier Silverio Leicht, nassût a Vignesie tal 1874 e muart a Rome tal 1956. Diretôr de biblioteche di Udin dal 1900 al 1902, tal 1911 Leicht al è stât un dai fondadôrs de Societât furlane di storie patrie, president fint al 1935 ancje cuant che, tal 1919, e nassè la Deputazion de storie patrie pal Friûl. Dal 1925 ai 1945 al fo ancje president de Societât filologjiche furlane, ricognossude tant che come “morâl” tal 1936 in graciis dal so lavôr. Dal 1927 al 1932 al fo ancje president de SAF, la Societât alpine furlane. La cunvigne e je inmaneade propit par onorâ un studiôs che si è impegnât pe promozion dai studis storics in Friûl. (A.I.) – 23.10.2024