Doi dîs di dialics pal avignî a Udin

La citât di Udin e torne al centri dal dibatiment sui senaris gjeopolitics internazionâi e sul impat a nivel socioeconomic cu la gnove edizion di “Open dialogues for the future” (Dialics vierts pal avignî), inmaneade de Cjamare di Cumierç di Pordenon e Udin in colaborazion cun The European House – Ambrosetti e la direzion sientifiche di Federico Rampini. Daspò dal sucès des primis dôs edizions, e la anteprime a Milan a Dicembar, l’event si davuelzarà joibe ai 6 e vinars ai 7 di Març, di buinore e di dopomisdì, simpri tal centri di Udin. Te prime zornade si fevelarà dal “mont che al cambie: senari gjeopolitic jenfri dôs vueris e trê continents” e di economie, soredut in Italie, France e Gjermanie, cuntun colegament video cul ex diretôr de Cia, David Petreus. La seconde zornade e sarà dedicade ai Stâts Unîts e ai rapuarts economics cul Friul-Vignesie Julie, ma ancje ai zovins e ae inovazion. Dongje de sede de Cjamare di Cumierç, si vierzaran ai dibatiments ancje la glesie di S. Francesc, li dongje, la sede storiche de Fondazione Friuli e tal Auditorium “Sgorlon” de Universitât. (A.I.) – 05.03.2025